តំណាងរបស់លោកឧត្តមសេនីយ៍ទោ ជួន ណារិន្ទ អញ្ជើញបញ្ចុះបឋមសិលាអគារប៉ុស្តិ៍នគរបាលកោះរ៉ុងសន្លឹម ខេត្តព្រះសីហនុ
07-February-2020 | ដោយ ពលមនសិការ
ព្រះសីហនុ៖ នៅព្រឹកថ្ងៃសុក្រ ១៤កើត ខែមាឃ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី០៧ ខែកុម្ភៈ ឆ្នាំ២០២០នេះ លោកឧត្តមសេនីយ៍ត្រី ជិន វិទ្យា ស្នងការរងផែនការងារធនធានមនុស្ស និងជាតំណាងដ៏ខ្ពង់ខ្ពស់របស់លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្ត បានដឹកនាំគណៈស្នងការដើម្បីចុះត្រួតពិនត្យ សួរសុខទុក្ខកងកម្លាំងប៉ុស្តិ៍នគរបាលរដ្ឋបាលកោះរ៉ុង និងធ្វើពិធីបញ្ចុះបឋមសិលាសាងសង់អគារប៉ុស្តិ៍នគរបាលកោះរ៉ុងសន្លឹមថ្មីស្ថិតក្នុងភូមិកោះតូច ក្រុងកោះរ៉ុង ខេត្តព្រះសីហនុ។
លោកឧត្តមសេនីយ៍ត្រី ជិន វិទ្យា ស្នងការរងផែនការងារធនធានមនុស្ស និងជាតំណាងដ៏ខ្ពង់ខ្ពស់របស់លោកឧត្តមសេនីយ៍ស្នងការបានមានប្រសាសន៍ថា អគារប៉ុស្តិ៍នគរបាលរដ្ឋបាលកោះរ៉ុងសន្លឹមនឹងសាងសង់ឡើងថ្មី ក្នុងទំហំ៩ម៉ែត្រ គុណនឹង១២ម៉ែត្រ ដែលជាអំណោយឧបត្ថម្ភដ៏ថ្លៃថ្លារបស់ឯកឧត្តម នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ។
ក្នុងឱកាសនោះដែរលោកឧត្តមសេនីយ៍ស្នងការរង ក៏បាននាំយកប្រសាសន៍សួរសុខទុក្ខរបស់លោកឧត្តមសេនីយ៍ស្នងការជូនដល់កងកម្លាំងនៃប៉ុស្តិ៍ទាំងពីរ និងបាននាំយកគ្រឿងឧបភោគ បរិភោគ និងថវិកាមួយចំនួន ជាពិសេសក៏បានប្រគល់ជូននូវម៉ូតូចំនួន០២គ្រឿង និងទូកឈើ០១គ្រឿង ជូនដល់ប៉ុស្តិ៍នគរបាលរដ្ឋបាលទាំងពីរដើម្បីសម្រួលដល់ការងារជំនាញប្រចាំថ្ងៃផងដែរ ៕
ចំនួនអ្នកទស្សនា
- ថ្ងៃនេះ1441
- ម្សិលមិញ15681
- សប្តាហ៍នេះ60281
- ខែនេះ82161
- ឆ្នាំនេះ82161
- សរុប20524617